ग्रामपंचायत उभाडे    

 यशोगाथा :-उभाडे  गावाला सामाजिक,आध्यात्मिक,राजकीय,शैक्षणिक व क्रांतीकारी गांव म्हणून उभ्या महाराष्ट्रात ओळखल जाते. प्रगतीच्या अनेक पाऊल खूणा सोडत गगनाला गवसणी घालणारी प्रगती ह्या गावाने केली आहे. तरीही ऐतिहासिक वारसा ह्या गावाने जपला आहे. उभाडे  हे गाव मुंबई -आग्रा महामार्ग लगत वसलेले असून उभाडे  गाव औद्योगिक दृष्ट्या प्रगतीपथावर असून गावामध्ये तांदळाचे  भाजीपाला  काकडी वांगी गहू भुईमुग मका  बाजरी ,ज्वारी इत्यादी उत्पादन करण्यात येते.. उभाडे  गाव हे दारणा तिरावर वसलेले असून गावा लगत भाम , वाकी खापरी, भावली कवडदरा , दारणा , वैतरणा मुकणे असे ७ धरणे व त्रिंगळवाडी, कांचनगाव, वाडीवऱ्हे, खेड येथे बंधारे उभारण्यात आलेले आहे. सदर धरणाचे पाणी दारणा धरणा द्वारे  छत्रपती संभाजी नगर व मराठवाड्यातील अन्य जिल्ह्यांसाठी मोठ्या प्रमाणात  पाणी पुरवठा करण्यात येते असतो. उभाडे  पिंपळगाव मोर  धामणी उंबरकोण  देवळे इत्यादी  गाव महत्वाचे ठिकाण आहे.

उभाडे  गावालगत धार्मिक स्थळे कावनई कपिलधारा तिर्थ , सर्वतीर्थक्षेत्र टाकेद , विपश्यना केंद्र इगतपुरी, गजानन महाराज तपोभूमी कावनई इत्यादी तीर्थक्षेत्र असून उभाडे गाव हे  घोटी इगतपुरी जंक्शन रेल्वे स्टेशन  लगत आहे.  

*ग्रामपंचायत कार्यालय :- सर्व सुविधांनी परिपूर्ण असे अद्यावत ग्रामपंचायत कार्यालय कार्यान्वित असून संपूर्ण कामकाज संगणकीय पद्धतीचे  आहे.

*ग्रामपंचायत पुरस्कार :- ग्रामपंचायतीला शासकीय स्पर्धा स्तरावर महा आवास पुरस्कार, चंदेरी प्रमाणपत्र असे पुरस्कार मिळाले आहेत. 

* शैक्षणिक संस्था बाबत माहिती  :-  गावात प्राथमिक जि.प. शाळा – २ , खाजगी माध्यमिक  शाळा  – १ ,  अंगणवाडी  केंद्र ४ आहेत अनेक विद्यार्थी उच्च पदस्थ अधिकारी आहेत.

*पाणीपुरवठा:- सध्या स्थितीत पाणीपुरवठा योजना चालू असून गावामध्ये  २ टाक्या मार्फत  पाणीपुरवठा केला जातो. कातकरी वस्ती वरती २ टाक्या बसविण्यात आल्या आहेत उभाडेवाडी येथे पाण्याची  टाकी आहे . तसेच जल जीवन मिशन अंतर्गत संपूर्ण गावाला पाण्याची टाकी बांधून  प्रत्यक घरी  नळ कनेक्शन दिलेले आहेत.

* हगणदारी मुक्त गाव :-घर तिथे शौचालय संकल्पनेतून प्रत्येक घरकुलाला शौचालय निर्मिती करून उघड्यावर शौच करणाऱ्या ग्रामस्थांना प्रसंगी कारवाई व प्रबोधन करून गांव हगणदारी मुक्त करण्यात आले आहे. 

*भूमिगत गटार:- शासनाच्या भूमिगत गटार योजनेचा वापर करून गावातील सांडपाणी भूमिगत गटारी मार्फत विल्हेवाट लावली जाते.  

*अंगणवाडी :- गावात ४अंगणवाडी कार्यरत असून अंगणवाडीत पाणी, डिजिटल शिक्षण व संगणकाचे प्राथमिक धडे दिले जातात.

*सामाजिक वनीकरण:- ग्रा.प.तर्फे सामाजिक वनीकरण १  हेक्टर मध्ये दारणा नदी लगत विविध वृक्षांची लागवड केलेली आहे. 

*यात्रा महोत्सव:- दरवर्षी  गावात अंबिका माता यात्रा उत्सव भरते तसेच गणेश उत्सव व नवरात्र उत्सव देखील जोरात साजरा होतो.

*अनुसूचीत जाती व नवबौद्ध घटक योजना :- अनुसूचीत जाती व नवबौद्ध घटक योजनाचा माध्यमातून हाय मास्ट लाईट, कॉँक्रीट रस्ते,  बंदिस्त गटारी सुविधा उपलब्ध करण्यात आल्या आहेत.

*बुध्द विहार :- गावातील दलित वस्ती येथे  बुध्द विहार उभारले असून त्यामध्ये बुध्दांची व बाबासाहेव आंबेडकरांच्या मूर्ती उपलब्ध करून देण्यात आलेले आहेत.